PA (Mushroom)
3:22:00 AM
Noddy
, Posted in
Oyster mushroom hi mizovin pachang kan tih ang hi a ni a, Europe ram leh America ramah chin tan lo niin tunah chuan India ramah pawh state tin deuhthawah kan ching tawh a. Mizoramah pawh kan ching uar ve sawt hle. A tui mai bakah taksa tan chaw tha tak a ni a. Protein taksain a hman nghal mai theih ang a pai avangin a tangkai hle a, tar leh chak lote tan chakna tha tak a ni. Sa aia chakna petu tha tak a ni. Taksa in a ngeih lem loh thau tha lo te sa angin a pai ve lova, thisen sang leh zunthlum nei te tan chaw tha a ni. Pleurotus Species-te hi kan chin ber chu a ni a, khawlum deuh laia chin tur Pleurotus sajor caju (PS) hi a chinna hmun chu 20'C - 30'C vel a ni a. Pleurotus ostretus (PO) hi 14'C - 22'C vel a ni thung.
A Chinna tura hmanruate :
1. Pa chi
2. Buhpawl
3. Polyethylene sheet/bag
4. Hrui
5. A chhumna hmanrua - Bel etc..
6. Thingzai frame (wooden block) - 50x25x18 cm
7. Sprayer
8. Spirit/formalin etc..
A chin dan :
Buhpawl ro tha fai tha seng sawng kum khat aia upa lo chu kut zungchal chenin sah sawm tur a ni a. Chu chu tui vawtah minute 30 vel tal chiah zawhah sawr fuin tui soah thlak tur a ni a. Minute 30 vel chhuan so hnu in thur a, hmun faiah ni sat lohna laiah dah daih tur a ni. A daih veleh sawr fu a, sawr fu sa chu pa chi nen chawhpawlh tawh tur a ni. hetiangin :-
1. A hamsa berin i kut kha spirit in emaw hru fai hmasa ang che.
2. Polythene bag chu boruak luh theih nan a khat tawk a tih pawp tur a ni.
3. Polythene bag chhungah buhpawl dah a, chumi hnu ah pa chi kha a sir kualah dah tur a ni. chumi zawhah buhpawl dah leh tur, Chutiang zel chuan dah chhoh in Polyethylene bag tawn nuam tawk vel chhawng thum/li vel bawr a dah chhoh tur a ni. Kan duhtawk chin ah buhpawl kha beng muk tawh tur a ni.
3. Tichuan Polythene bag kha suih bawk tur a ni. Suih han tih hian pawh phelh awl tak tur si a suih pin/vial tur a ni.
4. Hemi zawhah hian 'SPAWN RUNNING' an ti a, up hun a ni a. Hemi chhung hian room phui, thianghlim ni eng direct-a a luh lohna room-ah dah tur a ni a, 22'C -26'C vel ni thei se duhthu sam a ni.
5. Ni 10-15 vel (Boruak a zirin) a awm hnu ah pa chu a lo zam var khat ta a. Tichuan Polythene chu dim taka phelh/tih thler a hrui chuan khai theih tur a tawn tawh tur a ni. Heng kan tihlai hian kut chu fai takin kan sil anga, tin a tlem thei ang kutin a si bawk tur a ni.
6. Thingzai frame(Wooden Block) ah chuan khai chhuah tawh tur a ni. Khai chhuahna room hi boruak fai tak hmun nise a duhawm hle.
7. Phelh ni chuan amahah hnawnna a la awm avangin tui pek a ngai hran lova. A ni hnihna atangin Sprayer in tui pek tur a ni. Pressure na taka kah tur a ni lova, phingphisiauvin pek tur a ni. (Sprayer i nei remchang lo a nih chuan no pawn dim te a leihin tui hi a pek theih tho a ni.)
8. Tichuan, block te chu ro lo tawkin tuipek reng tur a ni a, ni 5-6 hnu velah 'pin head formation' an ti a, pa to tur chu a rawn mawm chhuak tawh thin a ni.
9. Pa chinna hmunte hi formalin-in emaw kan ti thianghlim vek tur a ni a. Fur lai phei chuan rannung thahna damdawi insecticides-in a vel chu kah tur a ni.
A seng hun :
Pa chu itawm tak a nih lai leh no tak a la nih laiin lawh tur a ni a. A chang lutuk chu a fe a, a tui nep deuh a,tin, a hlutna pawh a tla hniam tawh thin a ni.
Lehkhabu rawn- Horticulture Guide Book.. ( A thu leh a tihdan mahni tawk a ti ve duh tan pawh hriatthiam awlsam zawng a tih danglam a ni e.)
E khai thuziak tha tak ava ni em!
Ka ei chang hle mai a....
Pa chin hi ka thil chak ber te zinga pakhat a ni a. Tih ngai neuh neuh a tam thin avangin ka peih lo mai mai a ni. Ching ila chuan ka tuipui ngawt ang.
Pa hian chawtha a pai hnem hle a, "a tui zawk e" tih lem loh vah chuan, sa aiin pa hian taksa tana tha chawtha a pai hnem zawk. Mizo pa tui hmingthang, pa sawntlung ang chi te hi chin theih turin kan agricultural enginer rualte hian han duang ve thei tawh se a tha tur. Mi hmuhchhuah sa ah chauh hian an lungawi a......
Tunlai chu, i blog luh a nuamin thu tha tak tak leh bengvarthlak chhiar tur a awm reng mai. A lawmawm takzet e.
Khing te khi nangma thar em ni aw? A bengvar thlak hle mai. Shillong bulah khuan kan u (cousin) hian a hmun a siam a Shillong leh a chhehvelah a hralh ve viau thin awm e.
Pa hi kan duh laileng khawp a. Tuilo pawh nise a hrisel vang hrim2 pawh hian ka ei duh tho awm e.
A bengvarthlak viau mai. Mahse, a tih neuh neuh ngai a tam em a, ka taimakna hian a tlin ngut lovang e! Pã-ah chuan changel pã hi a tui ka ti ber.
Krista Roluahpuia, thanks... e,maawma hi i hre ngai em? Vawiinah a thianpa thin i nih a rinthu a sawi a,lo zawt chhin teh min ti a.
caribou, ka lawm e. I rawtna hi a tha khawp mai. A chi chu a lak theih a mahse a chin dan tur hi engtinnge niang tih hi a pawimawh khawp mai. Pa chi lak dan chu a parh lai hnuai chiah a a kung chhung a mi hi zai thlak a ni mai a. A harsa lem lo. Kan mithiam neihte hi hetiangbzawng hian thangharh se a tha khawp mai.
H.Vangchhia, i ti lawmawm thin e. Hei hi horticulture centre,mushroom section a ni a, kan awmna a mi tho a ni e. Pa hi keipawh tui ka ti khawp mai.
TS Khupchong, ni e, peih deuh chu a ngai ve khawp mai. Keipawh changel pa hi tui ka ti ber thin a. Tuna khawi ang chi holeh changel pa hi an inang riauvin ka hria. A tui ka ti khawp mai. Pasi erawh chu ka ei duh der lo thung.
i van hre bik ve, ka hre ngai lo va ka la ching ve lo reng reng..tui erawh ka ti khawp mai.
Bengvarthlak e.
Rp Pachuau, thanks, Ni e, kei pawh hian mahni kutkawih ve liauvin ka khawi ve tawh a lawm. Khing hmanrua sprayer tih vel aiah khian no ka hmang a. Room phui thianghlim tih ai khian kan inhnuai room ka hmang tawp a. Tin, wooden frame aiah khian mau ka hmang leh tawp bawk... :D A thar meuh chuan khai sawm vel lek pawh kan eiseng lova kan hralh tawp..hehehe...
Tunlai hian ka rilru ah a awm reng a...Pa khawina tur bik in te kalo ngaihtuah mek a..a khawidan thleng in training kalo rilruk lai mek a nia..(ka tihlawhtling thei a nge maw?) A bengvar thlak hle mai. Chuan hetah hian training em em pawh ngailo in a tihdan ka hriat phah ta hi ka va lawm tak em...Tih theih ngei ka in beisei..
Marvinic khawi ngei ngei rawh. A tha ve phian a sin. Chian lohna lai i neih chuan/ min rawn zawt dawn nia.. A tihdan indawt thlalak pawh ka nei a nia i duh chuan in pek dan kan la ngaihtuah dawn nia.. hna lai i neih chuan/ min rawn zawt dawn nia.. A tihdan indawt thlalak pawh ka nei a nia i duh chuan in pek dan kan la ngaihtuah dawn nia..
@Noddy: Maawma chu rngtin nge ka hrioat theih ang aw... A lo ni reng mai rthei asin. Ti hian kan inthian leh zel a ni mai lawm tiraw...
Krista Roluahpuia, ka tawng i huatthu suhah i hming hi a common lo a. Maawma'n a hmuh veleh khan ka thianpa thin kha a ni angem aw, a thlalak han tilang teh min tia. Ka lo nei remchang si lova. Ani thianpa a tih chu sipaiah te pawh tang tawh awmin a sawi a. In in biak leh hunah lo zawt chiang teh min ti a. Maawma chu apa Vuta a ni a. Ramhlun sport complex velah te pawh an awm tawh thin. Tunah erawh Ramhlun South-ah an cheng mek.
A bengvarthlak khawp mai
Vawiin hian pa ching turin ka inbuatsaih a, ka bangbo riau a. I thuziak hi ka chhiar a, inringtawk takin hma ka la e. Ka lawm kher mai.
Yesss