Lasi hi an lo awm tak tak ?
1:57:00 AM
Noddy
, Posted in
Tunlai chu blog ka update tha phian mai. Hun thawl ka ngah vang ngemawni dawn ni thu fahrah te te hian ka rilru hi an luah a. Hei pawh hi kan dahchhuak ve leh tawp mai a nge..A lo ninawm a nih pawn min lo hrethiam mai teh u. Phur deuh laia ziah zel mai loh chuan ka khawro ve thei em mai.
Engtik kum nge ka hrechiang ta lo khan kan thian pathumte chu Sawleng khuaah thirsakawrin an han leng a. Sawleng khaw dai a awm siktuithiang chu tlai lamah an rawn tlanpel a. Khatihlai kha chuan helai hmun hi ala ngaw tha hle mai a. Siktuithiang tih takah tui pawh a vawt tui thei khawp mai. Thing leh mau ten an hliah that avangin chhun lai pawn a hmun vel hi chu a dai nuam thin khawp mai a.
Thirsakawra kal an nih vangin a ruala rawn tlan lovin an rawn inzui thla a, an zinga pakhat chu a rawn hnung fal deuh bik a. Ngaihthat lohna em em pawh nei chuang lovin an thianpa hnung fal deuh pawh chu nghahzai an rel chuang lova. Khua an thlen thleng pawh a alo la lan ve theih tak si lovah chuan khaw daifemah an lo nghak ta ringawt a. Rei fe an nghah hnu chuan a rawn lang ve ta nge nge a. Mahse, a hmel an han en chuan thil dik lo a awm a ni tih hai rual a ni lo. A dawldangin a thlaphan hmel em em mai a. An zawn a rawn thlen pawh chuan ding chuang lovin a tlan tlang ta mai a. Anni ngaihthalo chuan au chungin an um zui ta a. Thui vak lovah chuan nangchingin an va pawt ding thei ta a.
Engtiziange tia an han zawh chuan hlauh hmel leh thlabar takin a chanchin chu hetiang hian a hrilh ta a. "Siktuithianga motor an silna thin zawn ka rawn thlen khan hmeichhe pathum hi an lo awm a, min lo phar ding a. A varin an inthuam a. An ni chuan engmah vak sawi lovin 'Kha hei hi phur rawh' min ti a. Thirsakawr hnungah hian engngemawni chu an dah a. An bo leh ta daih a. Ka hlau lutuk a engnge an dah pawh en ngam tawh lovin ka rawn tlan char char ringawt" tiin khur chungin a chanchin chu a hrilh a. A thiante chuan an han en chuan buara chhia huh deuh hnup mai hi a lo phur reng mai a. Mak an tiin Lasi a ni ngei ngei ang an ti ta ngawt a. A hmutu ber lah a hlauh em vangin zawh zel chi a ni tawh bawk si lo. Hemi hnu hian zan pawh a mut that ngam loh vangin tlangval tlawmngai ten kar khat chhung vel lai mai chu an riahpui ta ringawt mai a ni.
Heng zawng zawng hre reng chung hian ka nau nen zankhat chu tui kan neih loh vangin chawi turin Gypsy-in kan thawkchhuak dun ve ta a.Chhun lamah chuan motor chawi an tam deuh thin vangin tui a tam lova. Chuvangin zan lam hi tuichawi dawn chuan hun tha ber a ni tlat a ni. Keini pahnih tlangval inti huaisen vel chu chhungten 'Lasi in han hmu ve mai angah' tiin min fiam vel lah chuan 'Lasi a lo awm hlauh leh sawi ve reng rengah kan han hmu ve a nga ni mai a lawm' te kan ti vel ham ham a.
Zan tir lam chuan a hlimawm viau, zan dar hnih vel bawr a kan han kal leh chu a boruak a dang ta daih mai. Tui han pipe thla tur a kawr luh chhoh te kha a nuam ta miah lo mai a. Khua lah chu aimitthlawn an sawi ang vel ni ngei tur hian a thim chhah em em mai a. Light han chhit en reng dawn chuan battery a down palh ang tih a hlauhawm bawk si. Kan unau chuan tui pipe khah chhung zawng mai chu rei ti tak leh inbe em em lovin kan nghak dun ta tlawk tlawk mai a. Lasi lam reng reng chu kan sawi tawh lova. A lo awm tak tak mai ang tih kha kan hlauh dun ber chu niin ka hria. Mahse, kan vannei a ni ber ang chu engmah chu kan han hmu ta lo hlauh a.
Hengte avang hian Lasi hi a lo awm tak tak lo nge a hmu thei bik riau hi an lo awm zawk le ti a ka ngaihtuah tak chu ni. Mi sawi ka hriat dan chuan hmel lamah pawh tha kan tih lem loh te hian Lasi hi an hmu thei riau an ti a. Chutia Lasi hi a lo awm tak tak a nih ngai a, hmeltha vak lovin an hmuh theih riau chuan keini unau ve zawng hmel lamah chuan rual kan pawl tihna ni hmiang maw....lol.. Engpawhnise, Lasi hi an lo awm tak tak ngei em? Awm tak tak ta se a hmuthei bik riau an awm em ni le?
Kei chuan ngaihdan pawh ka hre mai lo mahse...kan Pu te rual vel pakhat kan khua a mi chuan a thangkamah samsei deuh mai ringawt a awk e an tia..an sawi chu ka hre ve thin. Lasi te hi awm tak2 ta se tinge tunlai hian an reh tak duak ang le...? Kan hriat phak ve ah pawh, kan khaw bul lawk S.LUNGLENG ah sawn Lasi zawl an awm an ti nia...ni tak2 ang maw...?
A mak khawp mai. Chanchintha hian a umbo te pawh a ni maithei a ni. History atang bak chuan hriat chianna a awm tak tak thei lo zawng a nih hi. A mak khawp mai. Chanchintha hian a umbo te pawh a ni maithei a ni. History atang bak chuan hriat chianna a awm tak tak thei lo zawng a nih hi.
Lasi hi an awm ngei chuan a rinawm. Ramhuai te hi thiltithei deuh tur chu an nia, hmeltha tak angah pawh an inlantir thei ang chu. Eng anga hmeltha leh duhawm ang ah pawh rawn inlar se, ramhuai an nih phawt chuan ka nel lo hrim hrim mai. Thawnthu lamah hi chuan Lasi lampang hi a romantic ka ti ve leh tlat lawi si.
Tunlai chu thuziak ngaihnawm tak tak chhiar tur min rawn hlui thin a, i blog a hlu sawt a, i blog-a lo lenluh pawh a nuam thei khawp mai. Nitin a thar chhiar tur awm thei se tih naka laiin......
Ka hrethiam lo, ka hman veleh ka thianpa u-ka rin em emin a experience min hrilh ka la rawn post ve ang. Ngaihnawm e-in hmu ve dawn emaw ka ti a.
Awm tak maw, awm sela ka zawl chak zek ania :)
Ka thianpa Remsiama, tuna Vietnam veng, Chawnpui, Aizawl a awmta nen Kelsih atangin kan zurui Lasi hmuh chak Kulikawn thleng kein zanlaiah kan haw tawh.
Ngaizel phei saw lasi awm duna nia an sawi vangin kan kal phur hle. Melthum chhuah hma deuh kawng kawi takah a rawn ri suau suau a, Gorkhali bawngchaw pu arawn lang hlawl mai chu kan inpawmlo chauh a ni e. Thla eng riai ruai karah kawngkawi atanga engemaw lian lutuk rawn lang hlawl mai ang tak a ni. Engemaw khapa pawh kha zing dar 2 velah bawngchaw a phurh reng reng mai ni hairehai.
An awm tih ka chiang e.
Elementary ka kalna sikul hi Missionary enkawl sikul ramthim ami a ni a, heta ka kal lai hian tum hnih ngawt mai sikul naupang pahnih Lasiin a zawl a, kan buai teh asin.
Pakhat phei chu ka thianpa a ni a mahse kum lamah chuan kei aiin a upa daih thung. Ramhuai hlauhtlawn thin an la ni bawka Lasiin a zawl duh bii ni hmiang ka ti mai.
Bible leh Isua hming an hlau hle a. An chak em em bawk.
I thupui a tha ka tl.... I ziak fiah.
caribou, ni e. Lasi thawnthu lam hi keipawh interesting ka ti tlat a. I comment chuan min ti phurin min ti thatho hle mai. I comment hi chhioar a nuamin a ngaihnawm thei ka ti. Ka lawm em em e..
Rp Pachuau, E khaii..Rawn post ve mawlh rawh ka chhiar chak hle mai. Min fakderna hian min ti hlim hle mai. Kan hmu ve ta lo kha ka lawm zawk nak alai a..hehehee..
H.Vangchhia, I hmel kha a lasi hmu hmel lo em a lawm. Hmelchhiat deuh a ngai a nih hmel..hihihii.. Ka nuih in ti za dun hle mai. Hmu tak takula chu inthlawk chhuak dun lo chauh ang ka ti..hahahaa..
Krista Roluahpuia, I ti lawmawm e. I experience khi ka chhiar chak hle mai. I blog lamah ka lo chang dawn a nia.
A tawng ngei ten an sawi hi chuan a awm lo han tih ngawt chi ani lova. Ka la hmu ve lo na chu, thlarau 'sual' hi chu an awm ngei chu anih ka ring. An inlantir dan form chu engpawh nise. A ngaihnawm e.
Welcome sekibuhchhuak. Ka pu in min hrilh chu an tleirawl/rawlthar tirh vel lai khan a ram kal kha tunge a nih hmuh theih si loh khan thing tang lian leng lawng hian a ngal a lo khawn sak a. Rei tak chu a kal hleih theih loh phah tih min hrilh. Hengte vang hian thlarau sual hi an awm ngei keipawh ka ring.
Lasi chu ramhuai an ni ve mai ni lom ni? chuvang chuan lasi chu ramhuai chikhat an ni ve maiah ka ngai...an om ngei ka ring, kan pi leh pute khan an soi nasa em mai..
Lasi hi ka ngaihdan ve mai mai chuan sap hovina fairy an tih hi a ang ka ti. Thonthu a man hmuh Dan angah the hi an lasi chuan ramngaw an humhalh a pangparte, tin ramsa an vulh in an humhalh bok a.... Ramhuai an nih leh nih loh chu ka se lo
Ka driver te sawi dan chuan Tuirial bawlhlawh paihna chhak teak thinghmun ah khan kawrvarha chhuklam zawnga kal an hmuhthu an sawi
kei,ka pi chuan kan nulat laiin sawleng dai vel a thing kan phur hi kan em leh chawfun te mau lerah an lo khaikang daih zel atia lawm.
Sawleng khua kania, engtik kum tak nge ka chiang ta lo, 2004 vel kha ni ta in kahria PWD kawngsiam vai ho khan an machine vel kha sihtuithiang ah khan an dah khawm a vai pakhat in zanah a veng thin a kha vaipa khan Nula avar a inthuam vek hmeltha tak tak ahmuh thu a sawi tlat, Hmanlai atang tawh in Sihtuithiang ah hian anlo hmu ve fo tawh thin ani awm e, Chuan Lasi kantih te hi karin dan chuan Christiana hian kan ram atang anek chhuak ni ber in kahria, tuna Manipur vel ah khian ram ngaw chhah tak ala tam a, Manipur a ka thianpa sawi dan ah Lasi hi anla tam lutk a ramhuai tih vel te, Hmun pakhat phei chu Lasi hmun kanti a chumi hmun ah chuan pangpar dangdai tak mai hi Apar reng thin a Lasi thlan kanti thin ati.
👍👍👍