CHANGPAT HMANGA LEITHA SIAM (VERMICOMPOST)

Vermicomposting hi Changpat hmanga thil tawih chi hrang hrang leitha a siamdan tihna a ni. Kan huan leh lo a hnawmhnawk paih mai tur atang khan leitha awlsam takin kan siam chhuak thei a. Chnagpatte hian hnimhnah leh hnawmhnawkte eiin an paitawih hnuah an e chhuak leh a, he changpat ek hi leitha niin thlai than chaktir theihna a pai tel a. Tin, thilnung tereuh te te mita hmuh tham loh lei-tithatu a pai tel bawk a, thlai tichhe theitu rannung laka ven theihna a nei bawk a ni. Chuvangin Changpat ek hi Rangkachak Dum (Black Gold) tia vuah a ni hial reng a ni. 


Hmanraw mamawh te:-
Ran ek, a bik takin  Bawng ek leh thlaikung/hnimhnah sahsawmte leh changel te hi hmanraw hman tlanglawn berte an ni. Thlai kawrnei chi leh kawrneilochi kung sengzawh hnu a pawlh hian vermicompost thatna a tipung bik a ni.

Changpat hichi hrang tam tak an awm a. Chungte chu Eisenia foetida (Changpat sen) , Eudrilus Eugehiae (Zana vakchhuak chi), Perionyx excavatus leh a dangte an ni. Heng zingah hian Changpat sen chi hi an inthlahpung chak a, chuvangin leitha an siam chakbikin an tha bik a ni. Tin, a chunglang a piang ei thin an nih avangin a chung atangin leitha siamin a hnuaiah an siam thla zel a, chuvangin an tha bik bawk a ni.

A Pianphung                                                                                  Eisenia foetida

1. A taksa sei zawng                                                             3 - 10cm
2. A taksa rih zawng                                                              0.4 - 0.6g
3. A puitlin hun chhung                                                          50 - 55 days 
4. A leitha siam theih zat                                                       Changpat 1000-in thla 2 chhungin 2qtls.
5. A tui tam dan                                                                   Ni 3 chhungin pakhat
6. A tui atanga a pian hun rei zawng                                     Ni 20 -23

A sawngbawl dan :-

A tlangpuiin Vermicompost hi chhuata chhunvum chi leh khur siama buatsaih a ni a. Chhuata chhunvuma vermicomposting siam hichu lei chhuatah emaw cement chhuatah 6x2x2 ft a kan compost hman tur chu chap tur a ni a. Hei hi enkawl leh buatsaih a awlsam hle a ni. Tin khur hmanga siam dawn chuan 5x5x3 ft cement concrete-a siam tur a ni. Khur hi compost hmanrua kan duh anga dah khat tur a ni. Khur hmanga siam hi leitha tam tham tak tak siam dawn chuan a tha zawk a ni.

Siam dawna thil tulte :-

1. Kan siamna tur hmun chu hmun vawt, hnawng tha leh daihlim a ni tur a ni.

2. Hnimhnah ro/changel kan hman tur te chu uluk taka sahnawi tur a ni.

3. A hmasa berin Bawng ek leh hnimhnah ro te chu 3:1 in chawhpawlh a, Ni 15-20 chhung dahtawih deuh hlekn tur a ni.

4. Hemi zawh hian Bawng ek leh hnimhnah kan chawhpawlhsa kha 6x2x2 ft. a phah tur a ni.

5. Bawng ek leh hnimhnah ro kan hman turte chu Bawng ek hmun 10 a thena hmun 3anga hman tur a ni.

6. Kan leitha siam tur hnimhnah leh bawng ek te chu leitha kan siam duh hnem dan a zirin kan mamawh ang.

7. Kan leitha siam tur chapah khan Bawng ek chap a, a chungberah changpat sen chi 1000 vel dah tur a ni.

8. Changpat dah zawh veleh hian tui leih tur a ni.

9. Kan leitha siamna hmun chu a hnawn that reng theih nan nitin tui vawi khat tal pek tur a ni a. Polythene emaw buara in khuhphui tur a ni.

10. Vermicompost chu a tlangpuiin ni 45 - 50 velah a hmantheih a ni.

11. Bawngek tharlam chungah kan leitha thar chhuahte chu hrikfai hmain darkar 24 kan dah phawt tur a ni a, hei hi leitha atanga changpat thliar hran theihna tur a ni.

12. Kan leitha thar chhuahte chu kan hmanrua hman hmunli a thena hmun thum a ni tlangpui a ni.

Vermicompost-a lei thatna awm chi hrang hrang te :-

Changpat ek leithaah hian heng NPK kan tihte bakah hian thatna dang tam taka awm a ni. Thlaiin an ei mai theih chi a ni a, kan hman kum la la hian a thatna pai zawng zawngte chu thlai ei theih turin a chhuak vek thin.

Parameters                                                                    Content

1. pH (A al dan)                                                               6.8
2. OC(%)                                                                        11.88
3. OM (%)                                                                       20.46
4. C/N                                                                             11.64
5. Total Nitrogen (%)                                                        1.02
6. Available N (%)                                                            0.15
7. Available P (%)                                                             0.30
8.Available K (%)                                                             0.24
9. Ca(meq/100g)                                                               8.8
10. Mg (meq/100g)                                                           5.59

source:  ICAR atanga  thu hi lakchhawn a ni a.Tih ve duh pawh a  a remchan zawk nan a thu te hi siamrem a ni e. Tin Pic. erawh Horti Centre farm chhung a kan khawi ve ngei atang lak a ni thung. 

Pic. 1 Changpat tui.


Pic. 2 Leitha









15 Response to "CHANGPAT HMANGA LEITHA SIAM (VERMICOMPOST)"

  1. Anonymous says:

    Post tha tak a ni. Mahse, changpat hi ka rap tlat. Changpat tamna hmunah chuan leitha a tam nge nge, a êk hi a tha em a ni.

    Changpat tangkaina hi naupan tet atanga ka hriat leh zirlaia kalo hmuh tawh thin a ni. Hetianga farm ang hial siamna chang hria erawh kala hre ngai miahlo anih hmel. Huan ilo neimi tan chuan avan tangkai thei dawn tak em!


    Jungle survival kan training laiin changpat hi ka ei ngawt. Ka zut fai viau turah ka ngai a, alo fai chianglo aniang chu a ngap tha khawp mai. Ulawng pum zut lova kan ang vel a ni.

    Noddy says:

    TS Khupchawng, i ti lawmawm e. Ka blog te min la tlawh sak thin vang hian blog update te hi a nuam thin. Ni e, changpat hi keipawh khawihnuam ka ti lutuk lo. Mahse, a hmunin a zir miau chuan rap ringawt hi chu a reh ve zel mai zawng a nih hi.

    H.Vangchhia, Min rawn tlawh thin a, nangpawh i chungah ka lawm. Hetia comment te min hnutchhiah sak hian min ti phur thin. Tin, thildang daih, misual.com a ka rawn sawi ang khan Darlawn in awmlai vel awm chu ka hre pha chiah lo a ni. Kan la naupang deuh a. Lawrkhawm a ka post hmasa ber ah darlawn chungchang tlem i sawi te kha ka va en leh a. I pa pawh ka rin hriat thei rei ruai e..heheheee..

    post bengvarthlak tak a nih hi.

    a changtupa erawh a ngainatawm loh deuh va, thil engkim hian tangkaina an nei vek mai. a dang pawh han ti zel rawh.

    caribou says:

    Noddy zarah beng a var phah fo mai. Khawvel hmundanga awm ve lo, changpat species thar pawh Mizoramah an hmuhchhuah kha maw le. Changpat hi a nelawm loh ang aiin a lo tangkai zek a.

    Vermicompost hi a tha tih ka hriat vangin vawikhat chu Agriculture Department ah lei ka tum a. A khawitu/vulhtu te hnen atangin manto takin Department in an leisak a, chu chu man tlawm takin mipuite lei theih turin Department hian a subsidised a ni. Mahse changpat vulhtu te an fing tlats. Anmahni'n an lei nghal vek. Eng ang pawhin hmang ve duh mah ila, ka tan tihngaihna reng reng a awm loh vangin beidawng takin ka haw.

    Unknown says:

    Hmmm....Noddy aka Liantluang, nangmahni ta elo? I hriathmel hi mawle...

    Noddy says:

    Rp Pachuau, ti lawmawm thin e. Ni e, changpat hi a ngaina lo tan chuan pangang lam rawng a kai deuh vang hian khawih kher chu a chakawm loh maithei a ni..hehe..

    caribou, ka blog min hlutsak der thiam a a nuam ka ti. A zia lo hle mai. Ni e, Vermicompost hi indaih siam chhuah chu a har dawn a nih hi. Kan bulhnaiah awm la chuan ka lo pui mai tur che a nia. I mimal hman tur a tam dawn loh tehreng nen. Tin, a khawitu te hnen atangin lei tum zawk la, a awlsam zawk maithei a ni. A man a to chuang vak lo ang. Ka rin danin Rs 12/Kg vel tho in an tihral ka ring.

    Chhangte_II, Liantluanga ka ni lo tlats mai.. :P Hetia tih takah chuan tlem tlem chu hre ve ee lee.. :D I blog a ka comment saw rawn dahchhuak vat vat teh..lol..

    Post tha ve... Thuziak hlu tak a nih hi.

    Tha thin hle mai.

    Noddy says:

    Krista Roluahpuia, i ti lawmawm e..

    Unknown says:

    Khoi ve duh ila Agriculture dept a in register kher a ngai em?

    changpat hi an vai khawm nge..a no emaw a chi emaw lei tur a awm le

    Unknown says:

    A changpat tak hi engtia neih chi nge / engtia neih theih nge, a neih theih dan mn kawhhmuh thei ang em?

    Unknown says:

    A bengvarthlak hle mai, a hmanrua ah hian vaimim kawrte hi a thaem le, tin, choka ningnawi ah hian theithlum lamte hi a tha tho em aw

    Unknown says:

    Robawm a changpat hmanga leitha siam dan bengvarthlak tak post Tu biak theihna number hi ka va duh emm, min hrilh thei em aw

    Unknown says:

    Hman dawn a,ahlang in nge? Lei nen chawlhpawlh tur..

Post a Comment

powered by Blogger | WordPress by Newwpthemes | Converted by BloggerTheme