Laksang!!



       Kan Pi Pu ten LAKSANG an tih hi infiamna hlimawm tak chu a ni ngeiin ka ring.  Hmanlai chuan he Laksang hi thlawhma vel ah thingbulah te alo awm hian nula tlangval ten engang mi nge nupui pasalah an neih dawn en nan an hmang thin a ni awm e. An han pawt phawi a. Leihnuaiah hian a tak maimawm chu tereuhte bawk nelh hian  a lo awm a. Chu maimawm chu a harh viau chuan nupui/pasal tur te kha an harhvangin an taima dawn tihna emaw a zawi viau a, a dum bawk chuan  an ngo lovin an that chhe dawn tihna a ni a. Chutiang zel chuan var deuh an pawh chhuah chuan nupui/pasal ngo lam an nei ang tiin an hlim thin hle a ni awm e. 

     Khami ni khan kan hnathawk te kha an phul deuh hlut a. Engnge tih ka va zawh chuan he laksang hi pawh an lo tum mek a. Camera ka ken loh vangin an pawh hma chuan mobile in thla ka laksak ve a. An zinga mipa rawlthar pakhat chuan a pawt ta a. Kan nghak thap mai a, an pawt phawi chu kan nui nasa ngei mai. A vawi hnih pawhna  ni tawh in zawi deuh leh dum rin ren bawk chu a pawt chhuak leh a. Midang lah chuan fiam nan tak an la hmang zui a. Kan hlim tlang dar dar khawp mai.  

7 Response to "Laksang!!"

  1. Lung i ti leng mang e, Kan tleirawl lai chuan kan ti ve viau thin aienna hrang hrang hi, mahni inawmtleinan a tha ve viau ni tur a ni. Hotupa nang nge nge..

    Anonymous says:

    Laksang hi ka hmuh awm pawh ka hre lo, a tak ka hriat loh vang zawk nge ni. Kan pipute'n an hmanna erawh chu ka hre fo mai a, a thleng dik a mual mual a awm a ni ang. A bengvarthlak e.

    caribou says:

    Laksang hi a hming chu ka hre fo tawh thin a, a takin ka hmuh awm ka la hre miah lo. I blog nge nge, a bengvaarthlak thin mang e.

    marvinic says:

    Laksang hi ka le hre ngailo reng2, hmuh pawh ka la hmulo in ka hria..mahse hetiang chi lampang thildang eng emaw neuh2 chu ka hre ve nual..mahse a bengvarthlak hle mai...

    Noddy says:

    RP Pachuau i ti lawmawm e. Kei zawk hian ka hriatna a la rei lo reng reng..hehehe

    TS Khupchong, hei ka kalna lamah ka tawng fuh hlauh mai a. Hrelo te inla awm takin ka tia ka rawn dahchhuak a nih hi. Phone a thlalak a nih vang hian duh angin a fiah lo erawh pawi ka ti hle mai..

    caribou, welcome... i ti lawmawm e.

    marvinic, nang pawh i ti lawmawm e. inkhel nang hmana Azl ka rawn kal khan ka chibai ang che ka tia, mahse i buai hmel em a ka inthlahrung leh deuh a lawm mawle..

    Lunglenthlak e,Laksang..Kan naupan ve deuh lai khan kan la ve nasa țhin a,a ruak te kha a awm țhin a 😄

    Anonymous says:

    Laksang ka hre ngai miahlo..... Hei ka study material ah Laksang awmzia an rawn zep tel a, factcheck nan i blog ah lo awm bawk nen.... Ka hre reng tawh ang... Ty

Post a Comment

powered by Blogger | WordPress by Newwpthemes | Converted by BloggerTheme