I Tlakna Tur En Hmasa Rawh


August thla chu kan hmang zo a ni leh dawn ta mai. He thlaah hian ruahtui ten leilung an tihnem tawh vang hian  lei a min sam em em a.. Fimkhur ngaih hun lai a ni a. Chanchinthar lamah pawh leimin hriat tur a awm leh tan ta. Mahse, kumin hian kum dang zawng aiin ruahtui kan dawng tlem deuhvin ka hria. Chuvang chuan kan min nep deuh turah ngai ang.

Engpawhnise, ka sawi duh leh tum zawk tak chu leiminin kan chenna in  te a hnawl/ lungtla in a delh tih thu hriat tur a awm hi chu a pawi thin a ni. Vanduai vanga kan tawh tam tak hi chu a aw na meuh mai mahse ka ngaihdanah chuan tam tak hi chu kan pumpelh thei a ni. Head Hunter tih takah kan huaisen dan hi a tha lo lam zawng te pawh hian kan hmang thin em ni pawh a tih theih. 

Awih pangper leh remchang vak lo ah pawh In kan han rel a. Han en reng reng pawn ko chhak lam chu vanduai mangkhawng ang maiin tawlh an chak em em tih lang reng te kha kan haider lui tlat a. Eng em a ti lovang tiin kan han inhnem chawp a. Thenawmpa, te kan han rawn ve ngei a, anni lahin kan pawisawi duh loh vang in kan rilrem tur zawng takin a hlauhawm lem lovang an han ti liam ngawt a, an chenna tur ni zawk se a dan a dang maithei a ni. Chu chu ringin kan han sa lui a. Kum te a lo vei zel a, min min hnan ta. Ka phu tawk ka hmu a nih hi ti duh leh mang silovin kan vanduai ngei mai kan han ti leh daih te hi chu a inhmeh thlawt lo. Chuvangin kan zuan hmain kan tlakna tur enlawk phawt hi a finthlak ka ti thin. 

6 Response to "I Tlakna Tur En Hmasa Rawh"

  1. marvinic says:

    Ni e, a dikkhawp mai kan hma hun tur kan ngaihtuah loh lutuk vang pawh a ni thei e, mahse thil kan tih dawn reng reng in a chhe ber pawh kan ngaihtuah tel tur a ni..Fimkhur tluk a awm silo a..

    Noddy says:

    marvinic, ka blog te min rawn tlawh sak piah lama comment hlu tak min hnutchhiah sak thin avangin ka lawm e.

    Thu twi te awmze nei tak a ni e.

    Anonymous says:

    A tawi tawk khawp mai. I sawi tum a chiang viau tho. Inhmaizah hi kan tina ve thin lutuk a, kan ngaihdan tam tak pawh kan sawi ngam loh phah fo. Kan thiam lohah pawh kan vanduai bik vangah kan puhthlu zel mai - i sawi dik chiah! Chenna in hlauhawm tak tak, thinthi-a a neitute ngei ngei pawh an mut ngam lohna tur in chu a awm mawle!

    caribou says:

    Inhmun tha leh rem tak hi chu veng daifem ah bak a awm meuh tawh si lova, veng daifema insak lah hi, a tu mai pawh hian kan huphurh niin a lang bawk si; khawpui chhungah rem leh rem lovin kan inhnawh a, a hlauhawm leh hlauhawm loh pawh kan sawi thei tawh lo anih hi. I thuziak hian awmzia a nei thuiin ngaihtuah a tithui kher mai.

    Noddy says:

    H.Vangchhia,TS Khupchong,caribou.. ka blog min rawn tlawh a, comment hlu tak te min hnutchhiah thin vangin in chungah ka lawm. A thu te in ngaihdan a lo nilo a nih pawn sawi hreh lo turin ka duh che u.. Welcome.

Post a Comment

powered by Blogger | WordPress by Newwpthemes | Converted by BloggerTheme