Ka Testimony
10:20:00 AM
Noddy
, Posted in
Kum thum kalta khan damlohna vanga pawn chhuak hlei thei lovin hun engngemaw chen ka hmang a. Aizawl pawh ka thleng ngun ta malh malh hle mai. Damdawi lah ka ei hnem tawh bawk. Damdawi bur hi ka ni ringawt tawh mai a ni.
Sunday tuk khat chu R.Lalremruata hla “Amen Silfai ka ni” tih hi ka khawl chuan ka play a. Thilmak tak a lo thleng ta. Piangthar tha viauva ka inhriat tehreng nen chhandamna thu hi ka lo man chiang lo tawp mai a ni tih a hla hian min rawn hrilh ta. Vawilehkhatah ‘He hla phuahtu hi a piangthar chiang lutuk’ ka ti ta hlut mai a.
Ka thinlungah keima tih lam ni lova a thisena silfai ka ni tih hi a rawn lang chhuak ta. Ka va han lawm tak em... Chu hla chuan min hnehin ka ngaithla nawn ta tlut tlut mai a. Ka nun zawng zawng chu a her danglam ta vek mai a. Ka damna kross thu chauh a nih hi ka hriat phah ta bawk a. Damlo a kun reng mai kha tisaah leh thlarauvah damna ka lo chhar phah ta. Tulai phei chu Nancy Zothanmawii hla ‘Duhthlanna sang ber’ nen hian min hneh tlat mai a. Thinlung leh tihtakzetin lo ngaithla ve teh u. An hla hi a ropui ngawt mai.
A ropui hle mai. 'Amen Silfai ka ni' kha kei pawh ka ngaithla nasa thin khawp a, i ngaihtuah thleng thleng erawh ka ngaihtuah pha ngai hauh lo!
"Amen Silfai ka ni" tih hla hi a ropui ka ti. A phuahtu rilru tur pawh a lang chiang khawpin ka hria. Lalremruata hi Mizo zaithiam zingah chuan a aw (voice) chhe ber pawl anih ka ring; chuti chung chuan "zawng zawnga zai" a ni bawk a, a mawiin a ropui danglam bik khawp mai. Duhthlanna sang ber tih hla pawh hi a hlathu a tha khawp mai.
Ni e, adik khawp mai heng hla pa2 hi a ropui takzet a ni. A phuahtute nun tur ka ngaihtuah hian ka nun hian hmasawnna tur a ngahzia ka hrechhuak thrin. I testimony chu a ropui hle mai.
TS Khupchong, caribou, marvinic, in ti lawmawm e. Chhandamna thu hi midang ka duhsak ve si a.Ka tih theih chhun chu a ni bawk nen ti hian ka rawn dahchhuak ve tawp mai a nih hi.
Testimony ril tak a ni a. Hriat theihna neih hi Thlarau Thianghlim chan a va ni em tiraw. Ka lawmpui lutuk che!
I hlate hi ka duh ve ve e.
Ka blog hi password ka theihnghilh vangin enkawl ngaihna ka hre tawh lo..chubakah vawiin dt 19/5/2023 hian kan en leh mai mai a..A lunglenthlak hle mai..@Kristaroluahpuia te, @caribou te @ Tsa te, @mavinic te leh midang te khawnge tunah hian in tuan tak ang aww tihte min ngaihtuah tir..