PUMPHIR (Mauruangi Nu leh Pa in an phurh kha!)
3:34:00 PM
Noddy
, Posted in
Pumphir-1
Pumphir-2
Lui kan kalna lamah vaukam sirah Pumphir hi a lo awm a. Fu emaw ka lo tia. Min hruaitu chuan Pumphir a nih thu min hrilh a. Mauruangi thawnthu-ah pawh khan Mauruangi Nu leh Pa kha Pumphir phur turin an kal a nih kha. Eng atana phur nge an nih ka hre bik tlat lo mai a. Ka rin dan chuan Fu a an em avang hian a ei ve theih te pawh a ni mai thei e.
Hetia ka la hmuh ngai loh kan hmuh ve takah chuan video in thla ka la a. Still in thla lak nachang ka lo hre lo hlauh mai a.Ka capture chhawn leh a nih vangin leh Mau pum a chuang chunga lak a nih vangin duh angin a fiah zo ta lo a pawi ka tih hle mai. Engpawhnise, la hmu ve ngailote tan alo tangkai ve tak mialin Mauruangi thawnthu tir lam tlem nen kan dah ve reng reng a nge.
Awle, Mauruangi thawnthu-ah khan mauruangi pa chuan a nu phur tur kha rit deuhin a siam sak a. Ama phur tur chu zang deuhvin a siam a. An haw kawngah chuan leilawn rawp chhe deuh tawh zawh ngei ngei ngai a awm a. Mauruangi pa khan a zawh ngam lo lo in namthlak-ah a lo ti tawh bawk sia. Mauruangi nu phur rit bawk si chuan leilawn chhe tawh deuh chu an zawh dawn a, tliah tum angin a awm nghal zel a. A zawh ngam ta lo chu a pa chuan luiah a nam thla ta a ni.
Thaichhawninu Pic
Tichuan, Mauruangi nu chu Thaichhawninu-ah a chang a. Mauruangi nuhrawnin a tih duhdah avanga ei tha pawh ei ve zo lova cher tawh tak chu a nu chuan a chawm thau leh ta a ni. Mauruangi thau chhan chu Bingtaii nu chuan hriat chhuah a tum ta a. Ni khat chu Mauruangi chu a nu hnenah chuan a zuk kal leh a. A nu chuan chaw leh chawhmeh tui tak nen chuan a lo hrai puar leh ta a.Chutih lai tak mai chu Bingtaii khan a lo enthla ru reng mai a. A nu hnenah chuan thil awmdan chu a hrilh fai ta vek a. Tichuan, Mauruangi pa hnenah chuan, " Sangha tlang vuak tur a ni, rawt rawh," a ti a. Sangha tlang vuak tur chuan an au va, a khua mai chuan an lo thawk chhuak ta a.
A tawi zawngin sawi ta mai ila. Mauruangi nu (Thaichhawninu) chu man in a sa te chu an sem a. Mauruangi chuan "Kei zawng a sa ka ei duh lo, a ruh kha min pe rawh u," a ti a. Tichuan a ruh chu an rawn pe khawm teuh mai a. Mauruangi chuan a nu ruh chu bellam chhungah a dah tha ta a. Tin, a tuk thum tukah a han en a, thi tha takah a lo chang vek mai a. Mauruangi chuan a thil a, a awrh ta a. Bingtaii nu chuan a itsik hle mai a, "Mauruang, Bingtaii awrhtir ve rawh," a ti a. Mauruangi chuan a han awrhtir a, a awrh veleh chuan meihawlah a chang ta vek mai a.
Phunchawng Pic.
.jpg)
Mauruangi chuan a nu lung kha a la bawk a, sawntlung pawngah a phum a, chu chu phunchawngah a lo to va, a tawi ta luih mai a. Mauruangi chu a nu hrawn khan a tirethei leh ta em em a, favai hram te a eitir leh ta a, a cher leh ta talh talh mai a. Nakinah chuan Phunchawng chu a lo par vul ta chuk mai a; chumi par chuan zu a ngah hle mai a, chu chu Mauruangi chuan a dawt thin a.
"Ka nu, kur diam diam,
Ka nu Phunchawng Darhniangi,
Ka nu, kur diam diam,"
Mauruangi thawnthu hi a sei viau mai a. Tuna mi pawh hi kaih tawi a ni a, a la tawp lo tih chu kan hre theuh awm e.Tun tum atan chuan duhtawk rih phawt mai ang. Hun remchang dangah rawn dah belh leh ka tum ang e
.jpg){kind=link}
A ngaihnawm hle mai. A lem khian i thuziak a tichangtlung. Mauruangi thawnthu hi chipchiar deuh pawhin ziak la, ka chhiar peih khawp mai. A ngaihnawm ka ti.
Mauruangi pa kha ngun taka ka ngaihtuah let hian, a rukin ngaihzawng a nei anih ka ring. Chuti ni lo sela a nupui phur kha rit lutukin a siam hauh lovang a, a phur a rih em avanga leihlawn rawp tawh zawh ve ngam lo a nupui duhlai kha a phur chawpin tuiah a namthla hauh lovang. A rukin Bingtaituki nu nen hian an lo inngaizawng anih ka ring hial thin. I ziak ngaihnawm khawp mai. A chhunzawmna han ziak law law teh. Hetiang thuziak te chu a tawi thei hleinem.
@Tsa, Ni e. Kan Mizo thawnthu hi a lo ngaihnawm hlawm khawp mai. Mauruangi thawnthu pawh hi a lungkuai pawl tak zingah a tel ve in ka hria.
@Caribou, Bingtaii nu leh Mauruangi pa kha chu inthenawm (in kawmthlang inkawmchhak) an ni bawk a. Tin, Bingtaituki nu hi nuthlawi a ni a, a zei ve tawk turah ngai bawk ila. An lo in hmel duh ve chu a ni ngei ang. Mauruangi nu hnawk a tih danah hian..lol...
ANCHIRI kha khawnge? A rawn lang zuai a, a bo leh daih a....
Pumphir hi a takah ka hmuh awm reng reng ka la hre lo, thlalakah pawh ka vawikhat hmuhna a ni hial awm a sin. Mauruangi thawnthu chu i zaiak ngaihnawm hle mai, he thawnthu hi engtin nge a trawp dan chiah kha ka hre tawh miah lo nia. Kan mizo thawnthu te kha naupang hrilh ka tum thin a, mumala hriat ka lo nei tawh lo, Sichangneii, chhawnabawrawza etc te kha.
Anchiri hmuh ka tuma mahse engmah a lo awm lo. Ka'n comment tho teh ang.
Khawthlang a kan awm lai khan chawhmeh ah kan hmang thin a, a ei tlak ve viau.
Kum 2008 khan teirei luiha len dengin zanah ka thiante pahnih nen kan kal a, Lui kamah chuan vai in anchiri bul hi an lo la a, a rep rona siamin an lo rep dul maia, kan ram thil kha tia an la vak mai kha ka lo ui khawp mai a, pemit an neih leh neih loh phei chu ka hre lo nain, khua a kan kir leh hnu chuan Forester pakhat ka hmelhriat chu ka hrilh ta ngawt mai a, a ni lah chuan eng he hu-ah chuan mi lo ngaihsak lem hlei lova.
ANCHIRI chu kan rawn dah a nge.. Kei chu ka hre ve chauh a ni. Kum 2008 a i lo hmu tawh a nih chuan a chanchin chiang zawk a min hrilh theih ngei ka lo beisei a nge.
@triplestar, Kan naupan laia ka pi min hrilh thin kha mizo thawntu ka hriat hmasakna ber chu a ni mai a. Khata tang kha chuan mizo thawnthu hi a ngaihnawm ka ti thei khawp mai. Chhurbura leh Samdala te khan min tihlim em em thin.
Mauruangi te kha chu a tawpah Bingtaii nen kawlhnam hriam deuh leh hriam vak lo khan an insual ta a. Mauruangi zawk khan a sat hnuhnung na a, a kawlhnam hman kha a hriam zawk avang khan Bingtaii kha a fik ta hmawk mai a ni. Chuan Vai lal nen chuan tibuaitu awm lovin hlim takin an innei leh ta a ni.
Anchiri hrim hrim hi chu ka hriatna a rei tawh 90's vel ah pawh khan kan ram kal na-aa hnah no deuh hi chawhmehah kan hmang thin. Rim na tak a ni a, rim tui lo ti tan chuan ei a har viau maithei.
Phai vai ho hian an zawng nasa hle a ni awm e tun hnai hian, hmanni khan enga tan nge an hman tiin ka hmel hriat pakhat ka zawt a, zen (kat) atan a bulbal hi an hman thu a sawi.
Triplestar, hei ka rawn dah tawh e..anchiri post-ah ka rawn chhang tawh mai che nia...
a lem nen a hmuh tur a awm chu a va lawmawm em
ka fapa Mizo zirlaibu ah a awm a, a lem nen a han entir chuan a zia hlenmai
Ka hmu tlai viau nang a tha kha ti hle mai, Mizo thawnthu hetia Google a chhiar theih a an awm hi. Mahse phunchawng par i tih khi Ka va la hre ngailo ve. Phunchawng par chu a Sen lar vat ni in ka hre sia. Khi thing khi eng thing nge ni ta ang a nalh hle bawk sia
Pumphir hi ka la hmu lova, school-ah naupang ka zirtir laiin ka search tawp a, hetah a lo awm reng a, a lawmawm hle mai.