ANCHIRI
8:10:00 AM
Noddy
, Posted in
Anchiri hi thenkhat tan chuan thil thar a ni mai thei. Keipawh ka hriatna a la rei lo hle mai a. Tunlai hian an zawng nasa in Serlui lamah te pawh zan riak meuhin an zawng thin a ni awm e. Chiangtakin ka la hmu bik lova, an lak sa an phoro hi ka hmuh chhun chu a ni ve mai a. A market a that avang hian zawn an in tih hmuh hle a ni.
Tin, amah hi bul bawk (rhizome) a ni a. Hetia ni sa a pho kher lo pawh hian lei an lai khuar a, a chungah mau an ram leh a, tichuan a hnuai atangin meiin an ur ro thin bawk a ni. Anchiri hi ur ro lai hian fimkhur te pawh a ngai viau; a chhan chu a ro hi a alh duh em em mai a ni awm e. Tichuan, an ur ro sa chu kg-ah Rs. 100/- in an hralh ta thin a. A hmu tha deuh chuan mipakhat pawn kar khat chhung in Rs. 3000/- chuang ei leh in paih vek hnu pawn a la hlawh thei a ni awm e.
An sawi zel dan in, anchiri hi khar chhawngah an hralh a. Anni chuan Silchar lamah an zuk hralh leh ta thin a ni awm e. A hmanna lam chu an sawi dan chuan zen (silai) siam nan thenkhatin an hmang an tih laiin thenkhat erawh thung chuan damdawi siam nan an hmang ti te pawh an awm bawk. Hei lo hi chu a hmanna dang han sawi mai tur a awm lo a nih hmel. Engpawhnise, a market lam a that avang hian thenkhat chuan hmunphiah aiin anchiri hi an zawng zawk bawk a ni.
Anchiri hi kan naupan lai chuan kan chawhmeh zinga pakhat ve a ni a. Thildang atana a tangkaina erawh kan hre miah lo. Dangpuithu nen kan bai zawr hnup a, kan hawp hruih hruih thin. Chakma unaute min ei hmuh a nia. Anni pawh khan chawhmeh atan bak an hman ka hre miah lo. Chawhmeh atana kan hman hi a bulbal ni lovin a hnah leh a hnah kuang hi a nia.
Hetianga a man a to hle anih chuan a bulbal kar se, sawhthing lin angin huanah ling se, kum 2 hnuah chuan an thar chhuak teuh mai ang chu. Dam lam ramah a tha duh deuhvin ka ring bawk. A hralhna lamah buaina a awmlo anih chuan sawhthing chin aiin a hlawk fe dawn anih chu.
He post hi hmanni khan ka hmu zuai a, ka chhiar a, a bo leh daih a, a mak riau. Min bum anih ka ring ve tawps. Post tha tak, ram economics khawih che phak anih hi.
Caribou, i rawn sawi anga in ei thin a nih chuan engtinnge a taste a awm?. Hrawk ti thak thei lampang a ni em?Kei chu ka hre ve chauh a ni. An phoro bak chu a kung pawh ka la hmu reng reng hlei nem.
Nia, a bul kar sela ching ta sela a tha ngawtin ka ring ka lo ti ve a.Mahse, ti tha peih hi kan awm leh ngut a nge maw.. Thawh hah ngai ova a thar seng nghal mai hi kan mizo zia pakhat hi ni ve maiin ka hria.(Kan vai chuan ka ti lova).
Ka rawn post dawn a. Net muan vang kha nge ni ka tibuai nuaih mai a. Schedule in a awm te a intia, ka hmuh hnu pawh khan a dik em tih hre turin page a in load kim leh thei mang lova. Ka ngaih tha lo khan ka delete leh ta mai a lawm.
Ka blog te min rawn tlawh sak thin avangin ka lawm khawp mai.
Triplestar, hei ka blog min rawn hlutsak avangin ka lawm hle mai. In zarah thil tam tak ka hriat phah bawk nen.
Anchiri hi sawrkar hian Horti emaw Agri. crop-ah pawm sela. Hmalak deuh a chakawm khawp mai. Hetianga tangkai a nih chuan supply a awm chuan demand chu a awm mai dawn tihna a nia. Sawhthing aiin a tha zawk mai awm mange te pawh a tih theih a nih hi.
A lem ka hmu thei miah lo nia.. Anchiri hi ka lo hre ngai miah lo mai.
Ngatinge i hmuh theih loh le awww... A ngaihna ka va hrethiam lo ve.
Niminah anchiri thla ka la, ala hring, comment-ah pic ka dah thiam lo,ka blog-ah ka lo tilang dawn nia, la hmu ngai lo te kan awm takin.
Awle, triplestar ka rawn en dawn nia..
i blogah ka lo leng lut ve tawp. Hetah pawh Anchiri bawk maw kan lo sawi. Triplestar lah khan a rawn sawia tui ve deuh chu a ni, a kawppui a that chuan.
Rp Pachuau, welcome... I lo len luh avangin ka lawm hle mai. I lo leng fo thin dawn nia. Nia anchiri hi ka post takah chuan triplestar khan a pic a lo nei remchang sia a blog lamah kan va sawi khawm leh ta mai a nih hi. Anchiri hi ka hre ve chauh a. An ei thin tih phei chu ka lo hre tel lo reng reng zawk a. Ka ei ve chhin ve chak khawp mai.
Tin sumdawnna atan hian a tha phian a. Tunhnai mai khan ka hmelhriat pakhat anchiri lo zawng ve tawh nen kan ti ti mai mai a. A sawi dan chuan Rs. 100/- per kg a nih lai phei kha chuan kar khatah Rs. 5000/- vel mipakhatin an hlawh thei a ni awm e. Tunah chuan a rate hi Rs. 90/- ah a tla thla rih a. A rate a tha bawk sia, ching pung ve ta ila a that hmel riau in ka lo hre ve mai mai a.
Anchiri hi ka hre ngai miah lo. Hmannia LK-ah i rawn post khan ka lo uksak lutuk lem lo a, mahse a tuk lawkah emawni khan chanchinbuah ka hmu zui a. Kan awmna lamah pawh hian a awm nual thin niin an sawi tlat, mahse ka la hmu ve miah lo ni tur a ni.
Anchiri hi chaw hmeh mai piah lam damdawi pakhat a ni a, nu naute an neih hlim hnute nei lo tan Zo Ar nen chhum han in hmuh theih in a haw nghal thei, chu piah lam rimtui(perfume)Siam nan an hmang a,Anchiri pho ro hi Bhaga(Silchar)ah hian aherna khawl a awm a, tah hian an her a,a ro 1 quintalah hian 1 litre kha a her chhuak a, foreign ah an thawn chhuak thin a,a hlut zawng hi han chhut thiam mai ang,an herna fe chu silai zen a hmang lovin, halphuah,halmawi leh a dangah... an hmang.
anchiri hi english/hindi in engnge le?
Comment na lam hi a bengvarthlak e, hei a pawimawh sawt khawp mai. Chin pun tlak tak a ni maithei a ni, a tak ve viau ang em aw..
Hei kumin 2019 hian quintal khat vel chu ka ching ve chhin e, ngaw hnuaiah ka ching risk tawp. In coment aṭang hian ṭha riauva ka rin ve vang maia ching ka ni.
Anchiri chu lei tur tten i nei lo maw kan van mamawh em