Khawihli Damdawi
3:33:00 AM
Noddy
, Posted in
Khawihli vei hi a lo nuam lo ang reng khawp mai. Tunhma deuh kha chuan ka vei leh mai thin a mahse tunhnu ah erawh ka nei ngai ta lova. Engvanga lo awm nge chu ka hre chiah lo na a Vitamin B Complex regular deuh a ka ei vang khan ka nei ngai ta lo ni ber in ka hria.
Ka pa damloh avangin vellore-ah kan kal a. Chumi tum chuan khawihli kha pathum ngawt mai, ka ke zungpui leh ka mawngtam sir ah leh ka kiu ah tak mai hian ka nei a. Ka pa lah kha damdawiin CMC&H ah admit a ni bawk si. Kan pahnih chauh kan nih avangin kan thlenna lodge leh damdawiin kha mamawh lamin ka kar tawn a ngai bawk sia. Auto-rickshaw a kan chuang ve te kha mawng lehlam chauh a thu in ka ke kha min rah sak ang tih ka hlau bawk nen ka kiu veng tut chungin ka thu ve thin a. Ka bula thu te chuan mak min tih hmel thei thin khawp mai.
Damlo kalpui ta chu hrehawm sawi chi ni hek lo le dam awm a awm a ngai a.. Damdawi ei loh in a tha ber an tih kha ka hre reng mai sia. Nachhawkna takngial pawh ei lovin a hlangin ka tuar ta ngawt ngawt mai a, a chang phei chuan khua te kha a ti sik deuh thin in ka hria.
Damdawiin a awm ta chawt chu a hnai tlem a lo chhuak tan tih khan nurse hnenah a tuamna tur/a hnai hrukfaina tur vel ka dil a. Ani chuan min lo ensak a. Tlem chu min hnai sak a. Damdawi eitur lam pawh sawi lem lovin aieng leh 501 sahbawn pawl deuh chi kha met thla la, chu chu chawhpawlh hnuah a hmuamhma laiah hian bel la, a dam huai mai ang a ti a. Thildang hnawih tur hriat loh aiah awih lo leh ring chiah lem lo chungin min hrilh ang chuan ka ti ta a. Mahse, a lo tha phian mai a. Ka hnawih hnu atang chuan a tawrh pawh a nuam in a dai deuh veng veng hian ka hria a. Chuta chin chu vawikhat emawni chu khawihli hi ka nei leh a. Ka sawi tawh ang khan Vitamin B Complex chu ka ei ta char char mai a. Ka ei vang kha nge ka hre chiah lo na a tunthleng hian khawihli hian min ti buai leh ngai ta lo a ni.
Subscribe to:
Post Comments (Atom)
Ka naupan lai khan khawihli ka nei thin a, Penicillin injection treatment min pe a, ka nei ta lo vang vang a. Hman deuh lawk khan ka zakah hian khawihli tenau a lo insiam leh a, Cefadroxil ka ei a, a dam hmak mai. Vitamin B Complex chu hriat ve reng tur anih khi.
Kum 2006 khan khawihlipui 4 vel leh fahrah 4,5 vel ka mawng dinglamah hian ka neia, khawihli farm min tihsak a, a hreawm zia kha, tun hnu erawh ka nei ngai talo, eng ber nge ka ei pawh ka hre talo. Khawihli neih hi hausakna anti vei sek a, hausa phah hi tun thleng ka la hmu lo. I post tha e
Khawihli fahrah emawni lian lenglawng ka biangah hian a awm tawh. Damdawiinah ka kalpui a, engtin tin emawni an khawih hnu chuanan chaicheh khan an khawih vel mai mai a, an pawt thut mai chu ka biang a kaw phut mai mawle. Puan an hnawh lut teuh a.... chutiang chuan dressing min tih that sak nitin.
Neih ka sim hahahahaha ka nei leh talo. :)
Va tha reuh ve. Khawihli neih hi a nuam lo khawp mai. Ka like e.
Caribou, penicillin injection hi a na duh in ka ring. Sulpha ho hi a huat theih avang hian ka ngam sarh lo riau. Cefadroxil pawh hi hriat tur a nih hi.
Hmelthatea David , ka blog min rawn tlawh sak avangin ka lawm. Min rawn tlawh fo dawn nia. Ni e, khawihli neih hi hausakna a ni lo a niang. Tunhma khan ka ngah thin tehreng nen tun thleng hian keipawh ka retheih ngai rengin ka la rethei chu a ni hi...hehehe..
H.Vangchhia, i hunawl remchangah chuan lo leng fut fo turin ka sawm che in comment tha tak tak min rawn pe zel turin ka sawm a che. Min rawn tlawh avang hian ka lawm takmeuh a ni e.
Krista Roluahpuia, i ti lawmawm lutuk. I rawn leng lut fo thin dawn nia.
Khawihli hi hmanni lawk khan a vawikhat nan ka khup bulah a rawn awm a, ka khua a tisik vel. Kal a tiharsa khawp mai. Thisen lampang a nih ka ring khawp mai.Khawihli hi hmanni lawk khan a vawikhat nan ka khup bulah a rawn awm a, ka khua a tisik vel. Kal a tiharsa khawp mai. Thisen lampang a nih ka ring khawp mai.
TSa, nia thisen lampang hi chu a nih ngei a rinawm khawp mai. Ka bialnu pakhatin hman ah a hnar kawnah tak an nei mai chuh... A hmel zawng zawng a danglam ta vek mai a. Hmuh pawh min hmu ngam lo reng reng hahaha...
Ka blog te min rawn tlawhin comment tha tak tak min hnutchhiah thin avangin in zavaia chungah ka lawm tak meuh e.
Tunlai chu blogger chiang lo nge mawni, mobile atanga ka comment hian comment pakhatah pahnih a awm ziah mai. A ngaihna tak pawh ka hre lo ve a.
TSa, keipawh mobile atanga ka comment chuan a double leh thin. I comment pawh mobile atangin a nih ka lo ring ve ringawt a.
Khawihli hi taksa enkawl thianghlim tawkloh vang ani deuh berin ka hria.
Anonymous, engtianga enkawl thianghlim nge ngai ang le.. Vellore khawlum lutukah khan nitin sahbawn vawihnih hmangin vawithum te kan inbual tlauh tlauh zel mawle..
Tunah hian kan chhungkua in kan inneih chhawk char2.., a na,reuh si..kaning lutuk😭😭😭
Khawihli fahrah hi chu na lutuk pawn ka hre tawhlo kei chu a hnai lak hi nuam ka ti teh tlat khawihlipui ka taiah ka nei tawh ka naupan laiin a ser pawh inch-1 vel laiin a seiin a awm
Tun h k nei mek ka mawng ding lam leh vei lam ah chuan ka malpui ding lam ah awm ati nuam vak lo🤣
Tui hman thianghlim loh vang h k ngai deuh
tunah hian keipoh ka mong vei lamah hian khawihli fahrah nge moni pa 5 awm ... awm chu a nuamlo duh khop mai..damdoi tha deuh lo2 hria in awm em..a hrewm em mai
Keipoh k mong veilamah k nei mek a,voikhatna ni bok sia ... Nachhokna ka ey top mai,k Thu thra thylo😞
Khawihli atan chuan midumpar bulbawk chhunga mi rawtkawi bel ila,na miah lo in a hnai vek mai ani,kan hnai zawng hian kan ti huaisual ve thei a
Keiph tunah hian ka mawng vei lamah khawihli chu ka nei mek a, a hreawm khawp mai
Keipoh k mawng veilam ah a awm mek,na ve tak a ni